საფრანგეთის პრეზიდენტმა ემანუელ მაკრონმა ბერლინში გამართული "მსურველთა კოალიციის" სამიტის შედეგების შეჯამებისას მოკავშირეებს მოუწოდა, გააკეთონ მაქსიმუმი უკრაინის თავდაცვისუნარიანობის გასაძლიერებლად. მისი თქმით, უკრაინის არმიას სასწრაფოდ სჭირდება საჰაერო თავდაცვის ახალი სისტემები და რაკეტების გადაჭერის საშუალებები. "ყველამ, ვისაც აქვს შესაძლებლობა, უზრუნველყოს უკრაინის მოქალაქეების თავდაცვისა და დაცვის საშუალებები, ეს ახლავე უნდა გააკეთოს", — განაცხადა საფრანგეთის ლიდერმა.

მაკრონი ასევე გამოვიდა NATO-ში უკრაინის გაწევრიანების შესახებ დისკუსიის განახლების ინიციატივით.

"რუსეთის მაქსიმალისტური მოთხოვნების გათვალისწინებით, მიმაჩნია, რომ NATO-ში უკრაინის წევრობის საკითხი კვლავ უნდა დადგეს დღის წესრიგში", — თქვა მან.