"როსავიაციამ" პარასკევს, 16 ოქტომბრის ღამეს, უკრაინული დრონების შეტევების გამო, მოსკოვის რეგიონის ოთხივე აეროპორტში ფრენების მიღებას და გაფრენა შეაჩერა. Telegram შეტყობინებიდან ირკვევა, რომ დომოდედოვოს აეროპორტი 7 საათზე მეტხანს არ მუშაობდა, ჟუკოვსკი — დაახლოებით 6.5 საათი, ხოლო ვნუკოვო და შერემეტევო — დაახლოებით 5.5-5.5 საათი.
ჟურნალისტ ქსენია სობჩაკთან დაკავშირებული Telegram არხის, "Осторожно, новости"-ს მონაცემებით, დილისთვის მოსკოვის აეროპორტებში 200-ზე მეტი რეისი გადაიდო ან გაუქმდა. ვნუკოვოში შეზღუდვები 66 რეისს შეეხო (გაფრენა და დაფრენა), ხოლო შერემეტევოში — 79-ს. ქალაქის მერმა სერგეი სობიანინმა Telegram-ზე დაწერა, რომ ღამით მოსკოვის თავზე 35 უპილოტო საფრენი აპარატი ჩამოაგდეს.
გარდა ამისა, დროებითი შეზღუდვები დაწესდა სანქტ-პეტერბურგის, პენზის, სარატოვის, საარანსკის, უფის, გელენჯიკის, კალუგის, ნიჟნი ნოვგოროდის, ტამბოვის, პერმის, ფსკოვის, კალინინგრადის, ჩერეპოვეცის, ყაზანის, იაროსლავლის, ულიანოვსკის, ჩებოქსარის, კიროვის, სამარის, ეკატერინბურგის, ტიუმენის, ნიჟნეკამსკისა და იჟევსკის აეროპორტებში. რუსეთის ფედერაციის თავდაცვის სამინისტრომ დილის ანგარიშში განაცხადა რუსეთის 26 რეგიონის თავზე 644 უკრაინული დრონის განადგურებისა თუ გადაჭერის შესახებ.